धादिङ । धादिङको मलेखुमा शुक्रबार देखि जारी यू १६ फुटबल 7A साईड फुटबल प्रतियोगितामा ९ टिम छन् । नयाँ वर्षको अवसरमा भद्रकाली बाल क्लवले आयोजना गरेको यस प्रतियोगिताको फाईनल बैशाख ३ गते हुने बताईएको छ । प्रथम पुरस्कार २० हजार र उपविजेतालाई १० हजार प्रदान गरिने बताईएको छ ।
प्रतियोगितामा गोरखाको गण्डकी गाउँपालिका, धादिङका विभिन्न पालिकाका बाल कल्वहरुको सहभागिता रहेको छ । सल्यानटारमा पनि ग्रासरुटका खेलाडीहरु रहेतापनि यस प्रतियोगितामा भने सहभागिता जनाएको देखिएन ।
धादिङ जिल्ला फुटबल संघ धादिङका महासचिव रामहरी थापाकाले धादिङपोष्ट सँग कुरा गर्दै भने यस्ता प्रतियोगिता नियमित हुन जरुरी छ । भद्रकाली बाल क्लवले उत्कृष्ट कार्यगरेको बताए । एन्फा धादिङले अब छिट्टै प्रदेशका लागि ग्रासरुटका खेलाडी छान्ने हुँदा यस्ता प्रतियोगिताले खेलाडीहरुले उत्पादनमा मत्वपूर्ण योगदान गर्ने महासचिव थापा बताउँछन् ।
