धादिङ । ०८० बैशाखको अन्तिम साता हेटौंडामा हुने दोस्रो बागमती प्रदेश स्तरीय खेलकुद प्रतियोगितामा खेल्न जिल्ला खेलकुद विकास समिति धादिङले चैत्र २५ गते देखि खेलाडी छनोट गर्ने अध्यक्ष प्रतापसिंह तामाङले बताए ।
अध्यक्ष तामाङका अनुसार चैत्र २५ गते फुटबल महिला र पुरुष, भलिबल महिला र पुरुषको छनोट खेल धादिङबेसीमा हुनेछ भने क्रिकेट पुरुष तर्फको छनोट खेल बोनीघाट रोराङ स्थित विशालटार खेल मैदानमा चैत्र २६ गते हुने छ । त्यसपछि अन्य खेलहरुको पनि छनोट हुने उनले बताए ।
