धादिङ । धादिङमा आज सम्पन्न ५ वटा म्याम्पसको स्ववियु चुनावमा एमाले निकट अनेरास्ववियुले गल्छीको नमुना बागेश्वरीमा जित निकालेको छ ।
नमुना बागेश्वरी बहुमुखी क्याम्पसमा सम्पन्न निर्वाचनमा अनेरास्ववियुका तर्फबाट सभापतिका उम्मेदवार अन्दाज श्रेष्ठ विजयी हुनुभएको छ । अनेरास्ववियुका श्रेष्ठले ८४ मत पाउनुभयाे भने उहाका निकटतम प्रतिद्वन्द्वी नेविसंघका बाबुराम भण्डारीले ४० मत पाउनुभएकाे थियाे ।
यसैगरी सचिवमा कैलास सापकोटा, कोषाध्यक्षमा उमेश घलान, र सदस्यहरुमा जितबहादुर भुजेल, सराज घिमिरे र सुजित थापा विजयी हुनुभएको छ । १ सय४५ मतदाता रहेको यस क्याम्पसमा १ सय २९ मत खसेको थियो । एमाले निकट अनेरास्ववियु र नेकपा एस निकट अनेरास्ववियू विचको तालमेल गरेर स्ववियु निर्वाचनमा गएकाे नमुना वागेश्वरी क्याम्पसमा जित हासिल गरेकाे अनेरास्ववियुका जिल्ला सहईन्चार्ज दिलबहादुर रमतेलले बताउनुभयाे ।
