धादिङ । धादिङको उत्तरी क्षेत्रको रुबीभ्याली गाउँपालिकाले चार माध्यामिक विद्यालयमा कराते खेल प्रशिक्षक नियुक्त गरेको छ ।
रुबीभ्यालीले गाउँपालिकामा कराते खेल विकासका लागि पालिका भित्रका च्याम्रा देवि, दोङदेन, मुक्राप देवि र लापा माध्यामिक विद्यालयमा कराते खेल प्रशिक्षक नियुक्त गरेको जनाएको छ । नियुक्त चार प्रशिक्षकमा सन्देश घले, रोशन घले, ओमबहादुर तामाङ, सन्जिता तामाङ छन् ।
चार वटै विद्यालयमा कराते ब्ल्याक बेल्ट लाईसेन्स भएका करांते खेल प्रशिक्ष नियुक्त गरिएको जनाएईएको छ । कराते खेलबाट विद्यार्थीहरुको स्वास्थ्यमा राम्रो प्रभाव पार्ने र अनुशासनमा बॅाधिनुका साथै विद्यार्थीहरुको खेलकुद करियर बनाउन खेल प्रशिक्षक नियुक्त गरिएको गाउँपालिका अध्यक्ष रामसिंह तामाङले बताए ।
