काठमाडौं । विश्व ब्याडमिन्टनको जुनियर वरियतामा विश्व नम्बर एक युवा स्टार प्रिन्स दाहालले पुष्पलाल स्मृति कप ब्याडमिन्टन प्रतियोगिताको उपाधि जितेका छन् ।
रिभाइभको प्रतिनिधित्व गरेका प्रिन्सले आइतबार सम्पन्न लिनिङ ११ औं पुष्पलाल स्मृति र्याङ्किङ राष्ट्रिय ब्याडमिन्टन प्रतियोगिताको पुरुषतर्फ उपाधि जितेका हुन् ।
राष्ट्रिय ब्याडमिन्टन संघ नेपाल र नखिपोट युथ क्लबको संयुक्त आयोजनामा भएको प्रतियोगितामा पुरुष एकल (उच्च १६ वरियता प्राप्त) मा विश्व वरियतामा प्रिन्सले नेपाली सेनाका नविन श्रेष्ठलाई २१–१०, १८–२१, २१–१८ ले पराजित गर्दै उपाधी जितेका हुन् ।
