धादिङ साउन २४ । धादिङको थाँक्रे गाउँपालिका वडा नम्बर १० स्थित जुनुमाया खडकालाई घरमै नेपाली नागरिकताको प्रमाणपत्र प्रदान गरिएको छ ।
जिल्ला प्रशासन कार्यालय धादिङका कर्मचारीहरुले खड्कालाई घरमा नै पुगेर नेपाली नागरिकताको प्रमाण पत्र प्रदान गरेका हुन् ।
धादिङका विपन्न चेपाङ् समुदायहरुलाई गाउँमा नै पुगेर नागरिकता प्रदान गर्दै आएको जिल्ला प्रशासन धादिङले बेला बखत नागरिकता प्रदान गर्न घुम्ती अभियान समेत संचालन गरेको थियो ।
पछिल्लो समय जिल्ला प्रशासन जेष्ठ नागरिकहरुको घरै सम्म पुगेर नागरिकता दिनु अत्यन्त सुन्दर पक्षका रुपमा लिन सकिन्छ ।
जिल्ला प्रशासनले जेष्ठ नागरिकले नागरिकता घरमै लिन पाउने व्यवस्था मात्रै हैन सामाजिक सुरक्षा जस्ता भत्ता पनि घरमा नै लिन पाउने व्यवस्थाको पहल गर्न आवश्यकता छ ।
