धादिङ जेष्ठ ११ । नेपाली कांग्रेस धादिङ, नेकपा (माओवादी केन्द्र) धादिङ, एमार्ले धादिङ (नेपाल समुह) र जनता समाजवादी पार्टी, नेपाल धादिङले भर्चुअल बैठक गरी वडा सम्म आन्दोलन परिचालन समिति बनाउने निर्णय गरेका छन् ।
चार दलका धादिङका केन्द्रीय नेताहरू, जिल्ला नेतृत्व, प्रतिनिधिसभा क्षेत्र, प्रदेशसभा क्षेत्र र गाउँपालिका तथा नगरपालिकाका पार्टी प्रमुखहरूको सहभागिता रहेको भनिएको उक्त बैठकमा ६० जना सहभागि भएका थिए ।
प्रतिनिधिसभा विघटनको असंवैधानिक तथा प्रतिगामी कदमका विरुद्ध सशक्त रुपमा संयुक्त रुपमा संघर्ष गर्ने निचोड सहित बैठक सकिएको बैठकमा सहभागि एक नेताले धादिङपोष्टलाई बताए ।
बैठकका निर्णयहरु
- गम्भीर बनिरहेको कोभिड-१९ को संक्रमणको नियन्त्रण, रोकथाम र संक्रमितको उपचारमा चार वटै पार्टीका संयन्त्रहरूलाई पूर्ण रूपमा परिचालन गर्ने ।
- जिल्लादेखि वडा तहसम्म संयुक्त आन्दोलन परिचालन समिति गठन गर्ने र आन्दोलनलाई वडा तहसम्म व्यापक बनाउने ।
- आन्दोलनका सबै किसिमका कार्यक्रमहरू कोभिड-१९ लाई ध्यानमा राखी व्यवस्थापन गर्ने ।
यी हुन् वैठकमा सहभागी चारदलका नेताहरु
