धादिङमा इसाई समाजद्वारा ५१२ बोरा चामल सहयोग

Avatar photo
Dhadingpost
मङ्लबार, असार २, २०७७

धादिङ असार २ । कोरोना भाईरस (कोभिड १९) का कारण खाद्यान्न संकटमा परेका धादिङका मजदुर, विपन्न परिवारहरुलाई इसाई समाज धादिङले ५१२ बोरा चामल सहयोग गरेको छ ।

इसाई समाज धादिङले नीलकण्ठ नगरपालिकाको ३,४ र १२ वडाहरुमा २५२, बेनीघाट रोराङको ९,६,४ र ३ वडाहरुमा २२० बोरा चामल मजदुर, विपन्न परिवारहरुलाई वितरण गरेको थियो ।

यस्तै गजुरी गाउँपालिकाले संचालनमा ल्याएको फुड बैंकलाई ४० बोरा चामल प्रदान गरेको बविन लामाले धादिङपोष्टलाई बताए ।

लामाका अनुसार खाद्यान्न संकटमा रहेका दैनिक ज्याला मजदुर गरिखाने, एकल महिला, अपांगता भएकाहरुलाई उक्त चामल नि:शुल्क वितरण गरिएको हो ।

समाजले बेनीघाट रोराङ ९ रोबाङका ४० घरधुरी बिपन्न ज्याला मजदुरी गरिखाने परिवारलाई राहत स्वरुप चामल ३० केजी, तेल २ लिटर, नुन २ केजी र साबुन प्रति परिवार ४ वटा वितरण गरेको थियो ।

राहत बितरण कार्यक्रममा गाउँपालिका सदस्य राम बहादुर बराम, वडा अध्यक्ष शुरेश मल्ल, समाजको अध्यक्ष लेक बहादुर तामाङ लगायतको उपस्थिति रहेको थियो ।

गजुरी गाउँपालिकाको फुड बैंकलाई चामल प्रदान

इसाई समाजद्वारा बेनीघाट रोराङमा खाद्यान्न वितरण