प्रशान्त ढ्यौउन्या
धादिङबेसी जेष्ठ १४ । नेपालका चर्चित पत्रकार एवम् नीलकण्ठ नगरपालिकाका ११ का स्थानिय ऋषि धमलाले नव निर्वाचित अध्यक्षलाई बधाई तथा शुभकामना दिदै अब हामी विकास र समृद्धिका लागि एक भएर लाग्नु पर्ने बताउनु भएको छ ।
काठमाडौं सोह्रखुट्टेमा शनिबार आयोजित कार्याक्रममा धमलालाले जनताले सहि र इमान्दार अध्यक्ष छानेकोमा खुसी व्यक्त गर्दै अब विकास र समृद्धकिा लागि सबै एकजुट हुनुपर्ने बताउनु भएको हो । धादिङमा पत्रकार मात्र नभई नेपाली काँग्रेसका नेता कै रुपमा परिचित धमलाले निर्वाचित अध्यक्ष थापालाई हौसला दिदै भन्नु भयो, हाम्रो पुरा सहयोग हुने छ मैले के गर्नु पर्छ भन्नुहोला विकासका सँधै सँगै हुनेछु ।
यस्तै पर्यटन व्यवसायी कमल सापकोटाले नीलकण्ठ ११ माओवादी केन्द्रले जितेको हो, माओवादीले चुनाव जिति सकेपछि जनताले धेरै विकास र परिवर्तनको अपेक्षा राखेका हुन्छन् यस तर्फ सचेत रहन अध्यक्ष थापालाई आग्रह गर्नुभएको थियो । अध्यक्ष तिलकबहादुर थापाले विकासका लागि सुझाव लिन आयोजित भेटघाट तथा चियापान कार्यक्रममा वडाका मुख्य समस्याहरु के के हुन् समस्यका समाधान र विकासका सम्भावनाहरु के के हुन् सुझाव लिनु भएको थियो ।
सहभागिहरुले नीलकण्ठ ११ मा विकास का पूर्वधारहरु शिक्षा, स्वास्थ्य, सडक र खानेपानीलाई उच्च प्राथमिकता दिनु पर्ने बताएका थिए ।
