बाबुराम श्रेष्ठ
धादिङ, बैशाख१२ । धादिङको सिद्धलेक गाउँपालिका ५ चापखोला, साविकको कुम्पुर गाविसमा सोराज ट्रक पल्टिदाँ १० जना घाईते भएका छन् ।
धादिङबेसीबाट खाद्यय लिएर सिद्धलेक जाँदै गरेको बा ३ ख ८७८८ नम्बरको सोराज ट्रक अनियन्त्रित भई पल्टिदा २५ मिटर तल पुगेको जिल्ला प्रहरी कार्यलय धादिङका डिएसपी दिपेन्द्र पञ्जियार थारुले जानकारी दिए ।
घाईते हुनेहरुमा कुम्पुर ५ का ४५ बर्षीय कुल बहादुर श्रेष्ठ, ३७ बर्षीय मिना कुमारी श्रेष्ठ, सुजन श्रेष्ठ, लक्ष्मी श्रेष्ठ, निलकण्ठ ४ का सुदिप श्रेष्ठ, राजन श्रेष्ठ, नीलकण्ठ ७ का नवराज श्रेष्ठ , १९ बर्षीय रोजन श्रेष्ठर, ६१ बर्षीय पदम बहादुर घले, ३० बर्षीय ईश्वरी श्रेष्ठ, रहेका छन् । दुर्घटनामा घाईते भएका कुल बहादुर श्रेष्ठ, सुदिप श्रेष्ठ र ईश्वरी श्रेष्ठलाई ट्रमा सेन्टर काठमाण्डौंमा उपचार भैरहेको छ भने बाँकी सबै घाइृतेहरु जिल्ला अस्पताल धादिङमा उपचार भैरहेको छ । घाईते मध्ये ३ जनाको अवस्था गम्भीर रहेको डिएसपी पञ्जियारले जानकारी दिए । फोटो: रञ्जित सिलवाल
