मार्पाक बैशाख ४ । नेत्रावति गाउँपालिका वडा नं १ सानो वक्राङ कोर्थोक सडक खण्डमा यातायात सुचारु भएको छ ।
सडक निर्माण समितिका उपाध्यक्ष बुद्धि गुरुङको अध्यक्षता तथा नेकपा माओवादी केन्द्र धादिङका सदस्य ठाकुर गुरुङको प्रमुख आतिथ्यतामा सडक उद्घाटन गरिए सँगै यातायात सुचारु भएको हो ।
माओवादी केन्द्रका तर्फबाट गाउँपालिका प्रमुखको लागि उम्मेदवारी दिन लागेका गुरुङले उक्त मोटरबाटो रिबन काटेर बाजा सहित उद्घाटन गर्नु भएको थियो । उद्घाटन गर्दै गुरुङले हामी विकास चाहान्छौ, विकासका लागि दिनरात नभनी जनता सँग छौ अब नेत्रावती गाउँपालिकालाई विशेष योजना सहित नमुना गाउँपालिका बनाउन आफुलागेको भन्दै साथ र सहयोग गर्न आग्रह गर्नुभएको थियो ।
कार्यक्रममा नेकपा माओवादी केन्द्र नेत्रावति गाउँपालिका वडा नं १ का पार्टी अध्यक्ष चन्द्र पल्लीमगर, शंकर अधिकारी, शिक्षक युवराज पन्त लगायतका आतिथ्यता रहेको थियो । सडक सुचारु सँगै सानो बक्राङ कार्थोक टोलका स्थानीय हर्सित भएका छन् ।
