धादिङबेसी बैशाख २ । नव सिर्जनशिल युवा समाज निलकण्ठ २ तिनघरे धादिङको उद्घाटन तथा नव वर्ष २०७४ को अवसरमा आयोजित शुभकामना आदान प्रदान कार्यक्रम सम्न्न भएको छ ।
नवसिर्जनशिल युवा समाजको अध्यक्ष सुर्य बहादुर सुनारको सभापतित्वमा सम्पन्न कार्यक्रममा नेकपा माओवादी केन्द्र धादिङका जिल्ला सहसचिव मनराज भण्डारी शैलेसको प्रमुख आतिथ्यता रहेको थियो ।
कार्यक्रममा नीलकण्ठ २ नं वडा समिति अध्यक्ष ध्वज बहादुर गुरुङ, बन तथा वातावरण संरक्षण समाजका अध्यक्ष भुमिरमण नेपाल र नेकपा एमालेका प्रतिनिधि बेग बहादुर विक को विषेश आतिथ्यता रहेको थियो । कार्यक्रममा बाल कलाकारहरुद्धारा नृत्य तथा स्थानीय कलाकारहरुको बेजोड सांस्कृतिक प्रस्तुति रहेको थियो ।
