सुक तामाङ
धादिङ चैत्र २८ । ट्रेकिङ एजेन्सिज एसोसिएसन अफ् नेपाल (टान) ले गाणेश हिमाल पर्यटन विकास समितिको कार्यसमितिलाई बधाइ तथा शुभकामना दिएको छ ।
टानले आइतबार काठमाडौमा एक भव्य कार्यक्रम गरि गणेश हिमाल पर्यटन विकास समितिमा निर्वाचत कार्यसमितिलाई बधाइ तथा कार्यसफलताको शुभकामना दिएको हो ।
धादिङ जिल्लाको पर्यटन विकासको लागि विगतमा जसरी टान विभिन्न परियोजनाहरु संचालन र गणेश हिमाल पर्यटन विकास समिति सँग मिलेर रुबि भ्यालिको पर्यटन विकासमा हातेमालो गर्न टान तयार रहेका टानका अध्यक्ष चन्द्र रिजालले बताउनु भएको थियो ।
टानका महासचिव कर्ण लामाले संचालन गर्नुभएको उक्त कार्यक्रममा गणेश हिमाल पर्यटन विकास समितिका अध्यक्ष तेज गुरुङ लगायत निर्वाचित कार्यसमितिका सदस्यहरुलाई सम्मान गरिएको थियो ।
