धादिङबेसी चैत्र १६ । मोहन वैद्यले नेतृत्व गरेको नेकपा माओवादी क्रान्तिकारी धादिङका सेक्रेटरी सहितका नेताहरु माओवादी केन्द्र धादिङमा प्रवेस गरेका छन् ।
धादिङबेसीमा आज एक कार्यक्रमको आयोजना गर्दै नेकपा माओवादी (क्रान्तिकारी) धादिङका सेक्रटरी हरि अधिकारी आशिस, जिल्ला कमिटी सदस्यहरु मंग तामाङ, रामकृष्ण धरेल, केदार थापा, जिल्ला सदस्य तथा विद्यार्थी संगठनका जिल्ला अध्यक्ष सुवास विक, जिल्ला सदस्य दिलिप श्रेष्ठ, गणेश घले, मदन तामाङ, चन्द्रबहादुर घले, प्रेम तामाङ, रुपक रिजाल, सुर्यमान तामाङ, राजन श्रेष्ठ, श्याम श्रेष्ठ लगायतका अधिकाँश नेताहरुले पार्टी प्रवेस गरेका थिए ।
पार्टी एकता नाम दिएर भएको उक्त कार्यक्रम हरि अधिकारी आशिसले संचालन गर्नुभएको कार्यक्रमलाई माओवादी केन्द्रका सचिवालय सदस्य पुष्पविक्र मल्लले सबै वाम शक्तिहरु बीच एकता हुनुपर्ने अहिलेको वस्तुगत आवश्यकता भएको बताउनु भएको थियो ।
वैद्य निकट माओवादी धादिङका युद्धकालिन जिल्ला नेता द्वारीका सुवेदी विकास विदेशमा छन् भने अर्का नेता रामकुमार शाह, शिवनीधि खनाल लगायतको केहि नेता पर्ने माओवादी केन्द्रमा प्रवेस गरेका छैनन् ।
