धादिङ चैत्र ७ । नेपाली काँग्रेस जिल्ला समिति धादिङले धादिङबेसी स्थित धादिङ अस्पतालमा उपचारत विरामीहरुलाई फलफूल वितरण गरेको छ ।
काग्रेस नेता स्वर्गिय गिरिजा प्रसाद कोइरालाको स्मृति दिबसको अवसरमा काँग्रेस धादिङले धदिङ आस्पतालमा रहेका बिरामीलाई फलफूल वितरण गरेको हो ।
जिल्ला अस्पतालमा रहेका विरामीलाई फलफूल वितरण पश्चात काँग्रेस पार्टी कार्यालयमा आयोजित चियापान कार्यक्रममा नेपाली काँग्रेस धादिङका पूर्व सभापति रामनाथ अधिकारीले कोइरालालाई सम्झदै हजारौको ज्यान जान ेगरि भै रहेको द्वन्द समाधानको लागि महत्वपूर्ण भुमिका गिरिजा प्रसाद कोइरालाले खेल्लुभएको बताउनु भएको थियो ।
सोमबार बिहान भएको उक्त कार्यक्रममा नेता अधिकारीले संविधानसभा गणतन्त्र र संघियता गिरिजाप्रसाद कोइरालाको योगदान भएको समेत बताउनु भएको थियो, कार्यक्रममा काँग्रेसका धादिङका नेता, कार्यकर्ता शुभचिन्तकहरुको उपस्थिति रहेको थियो ।
