धादिङ चैत्र २ । उत्तरी धादिङको गंगाजमुना गाउँपालिका स्थित फुलखर्कमा रहेको हिले पोखरी आधारभूत विद्यालय को २७ औं वार्षिक उत्सव सम्पन्न भएको छ ।
कार्यक्रममा विद्यालयका प्रधानाध्यापक चुडा विक्रम सिखंडाले विद्यालयको आर्थिक प्रतिवेदन प्रस्तुत गर्नु भएको थियो । त्यसै गरि शिक्षक दामोदर भट्टले स्वागत मन्तव्य र शिक्षक लेख बहादुर गुरुङले कार्यक्रम सञ्चालन गर्नु भएको थियो ।
मंगवार सम्पन्न उक्त वार्षिक उत्सवको अवसरमा शैक्षिक क्रियाकलापहरुको पुरस्कार वितरण, अभिभावक दिवसको अवसरमा राखिएका भलिबल प्रतियोगिताको पुरस्कार वितरण पनि आजै गरिएको थियो ।
कार्यक्रमको अवसरमा विभिन्न सास्कृतिक कार्यक्रम तथा अभिभक्तजीत अक्षयकोष र उत्तर बहादुर भुजेल छात्रवृद्धिकोषबाट अनुशासित र उत्कृष्ट विद्यार्थीहरुलाई छात्रवृद्धि वितरण गरिएको थियो ।
विद्यालाय व्यवस्थापन समितिका अध्यक्ष उत्तर बहादुर भुजेलको सभापतित्वमा सम्पन्न कार्यक्रममा नेकपा माओवादी केन्द्रका नेता तथा एकिकृत अखिल नेपाल शिक्षक सगंठनका केन्द्रिय सदस्य एवम् मण्डली प्राविधिक विद्यालयका प्राचार्य नवराज अधिकारीको प्रमुख आतिथ्यता रहेको कार्यक्रममा विभिन्न विद्यालयका प्राचार्य तथा प्रतिनिधिहरु ,राजनितिक दलका प्रतिनिधिहरु, स्थानिय अभिभावक र विद्यार्थीहरु लगायतको उपस्थिति रहेको थियो ।
