धादिङ, फागुन २१ । नेपालमा नै पहिलो पटक त्रिशुली नदीमा टुरिजम र्याफ्टिङ राइडिङ म्युजिकल कन्सर्ट सम्पन्न भएको छ ।
पर्यटनको हिसावले धादिङ धादिङ स्थित त्रिशुली नदीमा र्याफ्टिङ अवधिभर गीत गाएर गायक धिरज राईले साथ कन्सर्ट सम्पनन गर्नु भएको हो ।
संगीतको माध्यमबाट पर्यटन विकास गर्न सकिन्छ भन्ने उद्धेश्यका साथ संसारलाई चिनाउन आफूहरु लागिपरेको गायक धिरज राईले कन्सर्टमा बताउनु भएको थियो ।
त्रिशुली नदीमा र्याफ्टिङ अवधिभर गीत गाएर विश्वमा नै नयाँ रकेर्ड राख्ने योजनाको साथ कन्सर्ट गरिएको बताइएको छ ।
र्याफ्टिङमा भएको म्युजिकल कन्सर्टमा गायक राई सहित विजय लामा, इन्सु राई, मनिषा पोखरेल, रेखा पौडेल, टार्जन लिम्बु, बालकुमार श्रेष्ठ, डिजे बिमल र भिजे लाक्पाले दुई घण्टा सम्म लगातार र्याफ्टिङमा गीत गाएका थिए ।
