धादिङ, फागुन १८ । काठमाडौं महानगरपालिकाका कार्यकारी प्रमुख रुद्रसिंह तामाङको सरुवा भएको छ । सरुवा भएका तामाङले १८ महिना कामपाको कार्यकारी प्रमुखकारुपमा काम गरेका थिए ।
मंगलबार राति संघीय मामिला तथा स्थानीय विकास मन्त्रालयको निर्णयानुसार तामाङलाई मन्त्रालयकै नगरपालिका तथा वातावरण महाशाखामा सरुवा गरिएको हो ।उनलाई सरुवा गरेसँगै अब कामपाका कार्यकारी अधिकृतकारुपमा ईश्वर पौडेल आएका छन् । पौडेल यसअघि अख्तियार दुरुपयोग अनुसन्धान आयोगमा कार्यरत् थिए । पौडेल र तामाङ दुबैजनाले आज नै पदबहाली गरिएको छ ।
