कृष्ण राना,
धादिङ, सल्यानकोट, फागुन ७ । कार्कीगाउँ माध्यमिक विद्यालय सल्यानकोट ८ धादिङको ५६ औं वार्षिकोत्सब तथा अभिभावक दिवस सम्पन्न भएको छ ।
विद्यालय व्यवस्थापन समितिको अध्यक्ष खिलबहादुर बुढाथोकीको अध्यक्षतामा भएको उक्त कार्यक्रममा जिल्ला शिक्षा कार्यालय धादिङका प्रमुख दामोदर आचार्य को प्रमुख आतिथ्यता रहेको थियोे ।
कार्यक्रममा राष्ट्रिय पूननिर्माण एकाईका प्रमुख ईश्वर ज्ञवाली र जिल्ला शिक्षा कार्यालय धादिङका प्राविधिक सुनिल शर्माको विशेष आतिथ्यता रहेको थियो ।
कार्यक्रममा नेपाल रेडक्रस सोसाइटी जिल्ला शाखा धादिङका उपसभापति नारायण तिम्ल्सिना, सल्यानकोट गाविसका पूर्व अध्यक्ष हरि बस्नेत, विभिन्न संघसंस्थाका प्रमुख तथा प्रतिनिधि ,छिमेकी विद्यालयका प्र अ तथा प्र लगायतका विभिन्न व्यक्तित्वहरूको आतिथ्यता, रहेको थियोे ।
५६ औं, वार्षिकोत्सबको अवसरमा साँस्कृतिक तथ अतिरिक्त क्रियाकलापमा महत्त्वपूर्ण योगदान दिने शिक्षक कविता सिंखडा सम्मानित हुन भएको छ। विद्यालयका प्राध्यानाध्यापक अर्जुनबहादुर नगरकोटीले विद्यालयको प्रगति तथा आर्थिक प्रतिवेदन प्रस्तुत गर्नु भएको थियोे ।
कार्यक्रममा लोक तथा दोहोरी गायक गोकर्ण रानामगरले आफ्ना साँस्कृतिक प्रस्तुति प्रस्तुत गरेका थियोे ।साथै विभिन्न अतिरिक्त क्रियाकलाप र खेलकुदमा विजेता विद्यार्थीहरूलाई स्टेसनरी सामानबाट पुरस्कृत गरिएको विद्यालयका शिक्षक यामप्रसाद ढकालले जानकारी दिनुभएको छ।
