धादिङ नलाङ, फागुन ४ । धादिङ नलाङ गाउँ विकास समिति पात्ले माध्यामिक विद्यालयमा कक्षा ९ मा अध्ययनरत विद्यार्थीले साथीलाई गिफ्ट मगाएर आत्महत्या गरेका छन् ।
नलाङ वर्डा नं.४ आप्रीका १६ वर्षिय सरोज श्रेष्ठले जन्म दिनको अवसरमा साथीलाई गिफ्ट दिनु छ भन्दै गिफ्ट मगाएर, जन्म दिनको अघिल्लो दिन बेलुका नै आत्महत्या गरेका हुन् ।
आफु चितवन जान लागेको र मन मिल्ने साथीहरुलाई बुधबार आफ्नो परेको जन्मदिनको अवसरमा गिफ्ट दिनु छ भनेर धादिङबेसी स्थित साथी साधुराम सुनारलाई गिफ्ट ल्याई दिन फोन गरेका थिए । गिफ्ट आईन पुग्दै सरोज श्रेष्ठले जन्म दिनको अघिल्लो दिन नै किन आत्महत्या गरे खुल्न सकेको छैन ।
उनको साथी साधुराम बुधबारै गिफ्ट लिएर स्कुल पुगे तर साथी सरोजलाई भेटेनन् , सरोजको आत्महत्याले भावविहिल बने, तर लगेको गिफ्ट सरोजको मिल्ने साथीहरुलाई सरोजको तर्फबाट भनेर दिन वाध्य भए । कक्षा ९ मा अध्ययन रत सारोज मिजासिलो र पढाइ पनि तेज गति कै थियो किन आत्महत्या गर्यो उसको मृत्यूले विद्यालय परिवार नै मर्महात भएको विद्यालय शिक्षक अमृत गुरुङले धादिङपोष्टलाई बताउनु भयो ।
