विकास भण्डारी
धादिङ कात्तिक ६-
धादिङको थाक्रे गाउ विकास समिति वडा नं १ फोगटपुरमा रहेको महाङकालेश्वरी उच्च माध्यमिक विद्यालयमा नजिकिदै गरेको दिपावलिको अवसरमा चियापान तथा अन्र्तक्रिया कार्यक्रम शनिवार सम्पन्न भएको छ ।
विद्यालय व्यवस्थापन समितिका अध्यक्ष अध्यक्ष राजु थापाको अध्यक्षतामो सो कार्यक्रममा सम्पन्न भएको थियो ।
नेपालीहरुको दशै पछिको अर्को महान पर्व दिपावलिको अवसरमा आयोजना गरिएको सो कार्यक्रममा विद्यालयमा अध्ययनरत विद्यार्थी, शिक्षक अभिभावकहरुको उल्लेख्य मात्रामा उपस्थिति रहेको थियो ।
कार्यक्रममा प्रमुख जिल्ला अधिकारी विश्व प्रकाश सुवेदी, नेकपा एमाले धादिङ क्षेत्र नं.२ का सांसद गुरु बुर्लाकोटी , नेकपा माओवादी केन्द्र धादिङका इन्चार्ज शालिकराम जमकट्टेल लगायत स्थानीय राजनैतिक दलका प्रतिनिधीहरुको सहभागिता रहेको थियो । कार्यक्रममा एक अर्कामा शुभकामना आदान प्रदान समेत गरेका थिए ।
