धादिङ, कात्तिक २ । धादिङको निलकण्ठ नगरपालिका ७ स्थित सुकौराबेसीमा झुण्डिएको अवस्थामा फेला परेको शव पहिचान खुलेको छ । सुकौरा बेसिमा झुन्डिएको शब कुम्पुर गा बि स पिपल टार निबासी ३५ बर्सिया लालबहादुर बयलकोटिको भएको पहरीले पुष्टि गरेको हो ।
शबको टाउको मा ४ वटा गहिरो चोट देखियेको र खुट्टाले भुइँमा छोएको अबस्थामा पिङको पसो घाटी मा लागेको छ । बयलकोटी आफैले आत्महत्या नगरेको र उनलाई हत्या गरिएको स्थानियहरुले बताएका छन् । प्रहरीले भने घटना के कसरी भएको हो अनुशन्धान सुरु गरि सकेको बताएको छ ।
प्रहरी निरिक्षक भिमलाल भट्टराईका अनुसार दशैंमा बनाइएको पिङमा झुण्डिएको अवस्थामा भेटिएकाले प्रहरीले मुचुल्का उठाएर पोस्टमार्टमको लागि धादिङ बेसी ल्याएको थियो ।
