रातो सारी, अवनितलमा, लत्रिदै लत्रिदै छ ।
तिम्रा गण्डस्थल कुसुम झै, फक्रदै फक्रदै छ ।।
लाली चम्के, अधर—धरमा, बासुरी झै छ कण्ठ ।
तान्छन् तिम्रा कलस—कुचले, पूर्ण सम्मोहनी छ ।।
मुस्काएकी, गगन — धव झै , गाजले—नेत्र उन्का ।
भ्रूभङ्गी नै, धनुसरह छन्, नाच हे नाच चम्पा ।।
रङ्गीचङ्गी, पहिरन अहा !, हाय ! श्रिङ्गगार—सिन्धु ।
बारुल्ले हा ! कमरनजिकै, टल्कियो नाभि—बिन्दु ।।
सिर्बन्दीमा चमचम हुँदै, चम्किएछन् कपाल ।
नाच्द्यौ प्यारी, छमछम तिमी, तीजको गर्व राख ।।
तिम्रै मोही, रुप—रस पिई मुग्ध आनन्दमा छु ।
नाच्द्यौ प्यार, तिज—बहरमा, स्निग्ध—सानन्दमा छु ।।
बद्रीप्रसाद दाहाल
नीलकण्ठ नगरपालिका धादिङबेसी
