धादिङ असार १८
पृथ्वीराजमार्ग खण्डको जोगीमारामा साँझपख यात्रुबाहक माईक्रो बस र मालवाहक ट्रक एकआपसमा जुध्दा माईक्रोमा सवार १ जनाको मृत्यु भएको छ भने ३ जना घाइते भएका छन् ।
पोखराबाट राजधानी आउँदैं गरेको बा २ ख ५१२८ नम्बरको माईक्रो बस र काठमाडौं बाट नवलपरासीतर्फ जाँदै गरेको ना ४ ख ४६१ नम्बरको मालवाहक ट्रक जोगीमारामा एक आपसमा ठक्कर खाएका थिए ।
उक्त ठक्करले माईक्रो बसमा सवार नाम ठेगाना खुल्न नसकेका करिव ३५/३६ वर्षीय एक जना युवकको ज्यान गएको र अन्य ३ जना घाइते भएका छन् ।
घाइते माया भुजेल, समीर चन्द र टेकबहादुर सलामीलाई मलेखु स्थित सामुदायिक अस्पतालमा उपचार भैरहेको प्रहरी निरीक्षक प्रकाश सुव्बाले जनाए ।
