चौथो प्याब्सन प्रेसिडेन्ट कप समापन तथा भवन उद्घाटन सम्पन्न

धादिङबेसी पुष २५ । निजी तथा आवासीय विद्यालय अर्गनाईजेसन नेपाल प्याब्सन धादिङले आफ्नो स्थापना दिवसको अवसरमा चौथो प्याब्सन प्रेसिडेन्ट कप समापन र भवन उद्घाटन गरेको छ ।
प्याब्सन धादिङले स्थापना दिवसको अवसरमा आयोजना गरेको यस चौथो प्याब्सन प्रेसिडेन्ट कपको फईनल खेल समापन र भवन उद्घाटन नेपाल प्याब्सनका केन्द्रिय अध्यक्ष लक्ष्यबहादुर केसीले गर्नु भएको हो ।
कार्यक्रमका प्रमुख अतिथि समेत रहनुभएका केसीले झोलामा कार्यलय सिमित प्यावसन धादिङले करिव २७ लाख खर्च गरेर अफ्नै भवन निमार्ण गर्न सफल भएकोमा प्यावसन धादिङलाई धन्यवाद दिनुभएको थियो । उहाँले विद्यार्थीको शैक्षिक उन्नयनका लागि खुलकुद अनिर्वाय भएकोले आफ्नो स्थापना दिवसमा प्रेसिडेण्ट कप आयोजना गरि विद्यार्थीलाई खेलकुदमा सहभागि गराएकोमा खुसी व्यक्त गर्नु भएको थियो ।
चौथो प्याब्सन प्रेसिडेन्ट कप अन्तरगत आज भएको फाईनल खेलमा छात्रा तर्फ एड्भान्स एकेडेमीलाई हराउँदै द राईजिङ भिलेज बैरेनी प्रथम भएको थियो ।
त्यसैगरी छात्र तर्फभएको भलिबलमा द राईजिङ भिलेज बैरेनीलाई हराउँदै एड्भान्स एकेडेमी प्रथम भएको थियो ।
जिल्लाका ३३ नीजि विद्यालयहरु सदस्य रहेको प्याब्सन धादिङले आयोजना गरेका प्रेसिडेण्ट कप समापन तथा भवन उद्घाटन कार्यक्रमको संचालन गोविनद बुढाथोकिले गर्नु भएको थियो भने सभापतित्व संस्थाका अध्यक्ष रमेशकुमार श्रेष्ठले गर्नुभएको थियो ।
प्रथम भएका एड्भान्स एकेडेमीका छात्र खेलाडीहरु

प्रथम भएका द राईजिङ भिलेजका छात्रा खेलाडीहरु

अन्य फोटाहरु