काठमाडौं, ११ माघ – अमेरिकी राष्ट्रपति बाराक ओबामा तीन दिने भ्रमणका लागि भारत आइपुगेका छन् । राष्ट्रपति ओबामा आज आइतबार भारत आइपुगेका हुन् ।
दक्षिण एसियाली एक ठूलो राष्ट्र भारतसँग उहाँले थप सम्बन्ध विस्तारका लागि आवश्यक छलफल गर्नुहुने समाचारमा जनाइएको छ ।
स्रोतका अुनसार राष्ट्रपति ओबामा र अमेरिकी प्रथम महिला माइकेल भारतका लागि शनिबार साँझ प्रस्थान गरेका थिए ।
सो भ्रमणका क्रममा राष्ट्रपति ओबामाले भारतीय प्रधानमन्त्री नरेन्द्र मोदी र भारतीय राष्ट्रपति प्रणव मुखर्जीसँग भेटवार्ता गर्नुहुने बताइएको छ ।
उनले भारतीय राजधानी नयाँ दिल्लीमा अवस्थित महात्मा गान्धीको समाधिस्थल राजघाटमा वृक्षारोपण गर्नेछन् ।
साथै राष्ट्रपति ओबामा सोमबार भारतमा मनाइने गणतन्त्र दिवस विशेष समारोहमा प्रमुख अतिथीका रुपमा सहभागि हुने जनाइएको छ ।
ओबामा दम्पत्ति मङ्गलबार साउदी अरेबिया भ्रमणका लागि प्रस्थान गर्नेछन् । गत शुक्रबार बिहान निधन भएका साउदी अरेबियाका राजा अब्दुल्लाहप्रति श्रद्धाञ्जली अर्पण गर्न उनीहरु त्यहाँ जान लागेका हुन् ।
