नेपालले बनाएको सबैभन्दा ठूलो मानव झण्डाले गिनिज बुक अफ दि वल्र्ड रेकर्डबाट मान्यता नपाउँदै भारतले सम्भावित ‘किर्तिमान’ खोसिदिने खतरा बढेको छ ।
गत भदौ ७ गते टुँडिखेलमा झण्डै ३५ हजार मानिस मिलेर नेपालको राष्ट्रिय झण्डा बनाएका थिए । तर, गिनिज बुक अफ दि वल्र्ड रेकर्डले अझै यसलाई औपचारिक रुपमा विश्व किर्तिमानको मान्यता दिएको छैन । हालसम्म औपचारिक रुपमा २८ हजार ९ सय ५७ ले लाहोरमा बनाएको पाकिस्तानको मानव झण्डालाई नै मान्यता दिइएको छ । तर, आइतबार भारतको चेन्नइमा झण्डै ५० हजारले भारतको मानव झण्डा बनाएका छन् । मेरो झण्डा मेरो इण्डिया अभियान अन्तर्गत ५० हजार मानिस बाइएमसीए मैदानमा भेला भएर भारतको झण्डा बनाएका छन् ।
५० हजार भारतीय नागरिकले चन्नेइमा बनाएको भारतको मानव झण्डा भारतीय सञ्चार माध्यमहरुका अनुसार झण्डा बनाउने समारोहको प्रत्यक्ष अवलोकन गर्न गिनिज बुकका प्रतिनिधि समेत कार्यक्रममा उपस्थित थिए । नेपालको मानव झण्डा निर्माण कार्यक्रममा भने गिनिज बुकका प्रतिनिधि उपस्थित थिएनन् । नेपाली मानवझण्डा निर्माणका आयोजकहरुले भिडियो खिचेर गिनिज बुकलाई पठाइएको जानकारी दिँदै भिडियो हेरेर मान्छे गनेपछि मात्र औपचारिक नतिजा आउने बताएका छन् ।
