धादिङ । बंगालको खाडीमा विकसित ‘अर्नब’ चक्रवातको प्रभाव नेपालमा आजदेखि पर्ने भएको छ । मौसमविद्का अनुसार देशका विभिन्न स्थानमा भोलि बिहीबारदेखि वर्षा हुने सम्भावना छ ।
मौसम पूर्वानुमान महाशाखाका अनुसार आज देशका धेरैजसो भागमा बादल लाग्नेछ । राति कोशी, कर्णाली र सुदूरपश्चिम प्रदेशका हिमाली क्षेत्रमा वर्षा तथा हिमपात हुने सम्भावना छ । त्यस्तै, बागमती, गण्डकी र मधेश प्रदेशका विभिन्न स्थानमा मध्यमसम्मको वर्षा हुन सक्ने जनाइएको छ ।
‘अर्नब’ चक्रवातको प्रभावका कारण बिहीबार, शुक्रबार र शनिबार देशका विभिन्न स्थानमा ठूलो वर्षा तथा उच्च हिमाली क्षेत्रमा हिमपात हुने सम्भावना रहेको महाशाखाले जनाएको छ ।
बंगालको खाडीमा रहेको गहिरो न्यूनचापीय प्रणाली मंगलबार चक्रवातमा परिणत भएको थियो । ‘अर्नब’ नाम दिइएको उक्त चक्रवात भारतको विशाखापट्टनम आसपासको तटीय क्षेत्रमा प्रवेश गरेको भारतीय मौसम विभागले जनाएको छ ।
सम्भावित वर्षा र हिमपातलाई ध्यानमा राख्दै सम्बन्धित निकायले जारी गर्ने मौसम पूर्वानुमान तथा सतर्कता सूचनामा ध्यान दिन आवश्यक छ । साङ्केतिक तस्वीर एआई
