धादिङका स्थानीय तहका वेबसाईट अपडेट भएनन्, पुरानै जनप्रतिनीधिको विवरण कायम

Dhadingpost

जेष्ठ १०, २०७९

धादिङ । स्थानीय तहको निर्वाचन सम्पन्न भएको आज दश दिन पुरा भएको छ । धादिङमा सबै भन्दा ढिलो मत परिणाम आएको जेष्ठ ६ गते हो अन्य पालिकाको मत परिणाम यस अघि नै आईसकेका थिए । कतिपय जनप्रतिनीधिहरुले राजिनामा दिए र उम्मेदवारी दिएका थिए त्यहिबेला उनीहरुको नाम जनप्रतिनीधि विवरणमा हुन हुदैनथ्यो तर वेबबाट हटाईएन । निर्वाचनबाट केहि पुराना, केहि नयाँ निर्वाचित बनेर फेरि पालिका आईसके तर स्थानीय तहले संचालनमा ल्याएका आधिकारीक वेबसाईटहरु स्थिर छन अपडेट छैनन् ।

जिल्लाका सबै स्थानीय तहका जनप्रतिनीधिहरुले शपथ ग्रहण सकेर पदभार समेत ग्रहरण गरिसके तर पालिकाका वेबसाईडहरुमा ०७४ साल कै जनप्रतिनीधिहरुको विवरण कायम छ । हरेक पालिकामा आईटी विज्ञ तालिम प्राप्त कर्मचारी कार्यरत छन् । तरपनि उनीहरुले नियमित पालिकाको वेवसाई अपडेट गरेको देखिदैन ।

हामीले आज जेष्ठ १० गते बिहान सबै स्थानीय तहको वेवसाई हेर्दै गर्दा गल्छी गाउँपालिकाले ०७४ को जनप्रतिनीधिको फोटो हटाएको तर नयाँ अपडेट नगरेको, सिद्धलेकले त जन प्रतिनिधि पदाधिकारी भनेर प्रमुख प्रशासकीय अधिकृत र सूचना अधिकृतको फोटो राखेको छ ।