धादिङ भाद्र ३० । अखिल नेपाल फुटबल संघको आयोजनामा सुरुभएको ३ नम्बर प्रदेश माध्यामिक विद्यालय स्तरीय Kwiks Cup फुटबल प्रतियोगितामा धादिङले जितको सुरुवात गरेको छ ।
आईतबार नुवाकोट सँग परेको धादिङ (शंखादेवि मावि) को टिम नुवाकोट खेल्न नआएपछि धादिङलाई विजेता घोषणा गरिएको थियो ।
यस्तै सोमबार दोस्रो दिन भएको खेलमा धादिङले २ गोलले गून्जानगर मा. वि. चितवनलाई २ गोलले पराजित गरेको खेल प्रशिक्षक दिपक रानाले बताए ।
बेनिघाट रोराङ गाउँपालिका अध्यक्ष पित्तबहादुर डल्लाकोटी समेत आजको खेल अवलोकन गरेर फर्किएका थिए । प्रमुख डल्लाकोटीले धादिङको टिम (शंखादेवि मावि बेनिघाट रोराङ) ले उत्कृष्ट खेलेको धादिङपोष्टलाई बताए ।
यस्तै आज भएको अर्को खेल भक्तपुरले चितवनलाई हराएको छ । चितवनको क्याम्पा चौरमा हुने भएको यस प्रतियोगिता सारदानगर टाउन चितवनमा जारी छ ।
