धादिङ । भण्डारी सेवा समाज नेपाल धादिङको प्रथम जिल्ला सम्मेलनबाट अध्यक्षमा बिनोद भण्डारी चयन भएका छन् । नव गठित समिति १९ सदस्यीय रहेको छ ।
शनिबार काठमाडौंमा भएको उक्त सम्मेलनबाट वरिष्ठ उपाध्यक्षमा गणेशराज भण्डारी,उपाध्यक्षमा रामराजा भण्डारी, टिका भण्डारी, सचिवमा बिकास भण्डारी, सहसचिवमा कुमार भण्डारी र रामभक्त भण्डारी र कोषाध्यक्षमा प्रशान्त भण्डारी चयन भएका छन् ।
सरघुवंशिय कौशिक गोत्रिय भण्डारी सेवा समाज नेपाल धादिङको उक्त म्मेलनले माओवादी केन्द्र धादिङका संयोजक समेत रहेका मनराज भण्डारी (शैलेश) को संयोजकत्वमा ७ सदस्यीय सल्लाहकार समिति चयन । कार्यक्रममा ७० वर्ष भन्दा माथिको जेष्ठ सदस्य , बागमती प्रदेश सभाको सदस्य पुर्व मन्त्री मसिना भण्डारी र नीलकण्ठ नगरपालिका धादिङको निवर्तमान उपमेयर मनराज भण्डारीलाई दोसल्ला सहित सम्मान गरिएको थियोे ।
केन्द्रीय अध्यक्ष वीर बहादुर भण्डारीको प्रमुख आतिथ्यता, प्रमुख संरक्षक जिबन कुमार भण्डारी, संरक्षक केशर बहादुर भण्डारी ,केन्द्रीय उपाध्यक्ष तथा बागमती प्रदेश सभा सदस्य पुर्व मन्त्री मसिना भण्डारी लगायतको अतिथ्यतामा भएको उक्त कार्यक्रममा केन्द्रीय सदस्य डम्बरबहादुर भण्डारी,बागमती प्रदेश सल्लाहकार चक्रबहादुर भण्डारी, जिल्ला इन्चार्ज, बागमती प्रदेश समिति उपाध्यक्ष शिवराम भण्डारी लगायत जिल्ला सम्मोलनको आयोजना गर्न सहजिकरण गरेका थिए ।
