धादिङ । योङ कम्यूनिष्ट लिग (वाईसीएल) बागमती प्रदेश र सहिद स्मृती प्रतिष्ठानले यहि फागुन १९–२१ गते सम्म आयोजना गर्न लागेको प्रथम सहिद स्मृति बागमती प्रदेश रनिङ्गशिल्ड भलिबल प्रतियोगिता–२०८० का लागि धादिङ जिल्ला भलिबल संघले टिम तयार गरेको छ ।
धादिङबाट उक्त प्रतियोगिताका लागि राजन लम्साालको व्यवस्थापनमा खेलाडीहरुमा निशान त्रिखाती, प्रदिप थापा मगर, विदुर इटनी, योहान तामाङ, मिलन घले, प्रकाश तामाङ, अनुभव तामाङ, सम्राट श्रेष्ठ, शिरिष तामाङ, राजन तामाङ, टिम कोचमा दिलिप थापामगरलाई पठाईएको धादिङ जिल्ला भलिबल संघले जनाएको छ ।
अनुमानित ४२ लाख खर्च अनुमान गरिएको यस प्रतियोगिताको विजयी टिमले १ लाख ११ हजार १११, उपविजेताले ५५ हजार ५ सय ५५ रुपियाँ , तृतीयले ३३ हजार ३३३ रुपियाँ, वेष्ट सटर, वेष्ट प्लेयर, बेष्ट लिप्टर, बेष्ट ब्लकर, बेष्ट कोचलाई ५-५ हजार प्रदान गरिने वाइसीएल नेपाल बागमती प्रदेशका संयोजक साजन अधिकारीले बताए ।
