धादिङ । धादिङको नीलकण्ठ नगरपालिका १ काउले स्थित प्रकाश मावि प्राङ्गणमा जारी स्वर्गिय प्रेम बहादुर तामाङ स्मृति कप जिल्ला स्तिरीय महिला भलिबल प्रतियोगितामा सिद्धलेक गाउँपालिका फाईनल प्रवेस गरेको छ ।
मुख्य रेफ्री सोम श्रेष्ठका अनुसार आज भएको पहिलो सेमिफाईनलमा सिद्धलेक गाउँपालिकाको टिमले धादिङ भलिबल ट्रेनिङ सेन्टरलाई पराजित गर्दै फाईनल प्रबेस गरेको हो । दोस्रो सेमिफाईनल खेल भोली कार्तिक २७ गते आयोजक प्रकाश मावि र धादिङ स्पोर्टस क्लव बीच हुनेछ भने यो खेलको विजेता र सिद्धलेक बीच भोली नै फाईनल हुने मुख्य रेफ्री श्रेष्ठले बताए ।
यस प्रतियोगिताको पुरस्कार राशी प्रथम ४५ हजार, द्वितिय २५ हजार, तृतिय १५ हजार र सान्तोना ९ हजार रहेको बताईएको छ ।
