धादिङ । धादिङको नीलकण्ठ नगरपालिका १ काउले स्थित प्रकाश मावि प्राङ्गणमा आजबाट हुने स्वर्गिय प्रेम बहादुर तामाङ स्मृति कप जिल्ला स्तिरीय महिला भलिबल प्रतियोगितामा १० टिमले खेल्ने भएका छन् ।
धादिङका भलिबल रेफ्री एवम् प्रशिक्षक सन्दिप थापा मगरका अनुसार प्रतियोगितामा नीलकण्ठबाट ४ टिम (मेन्दोफोले युवा क्लव, प्रकाश मावि, धादिङ भलिबल ट्रेनिङ सेन्टर र धादिङ स्पोर्टस एकेडेमी) सिद्धलेकबाट ३ टिम (सिद्धलेक गाउँपालिकाको टिम, सिद्धलेक भलिबल संघ र नलाङ मोडल एकेडेमी) बेनीघाट रोराङ गाउँपालिका र खनियाबास गाउँपालिकाको टिमहरु सहभागि हुने छन् ।
कार्तिक २७ गते सम्म जारी रहने भनिएको उक्त महिला भलिबल प्रतियोगिताको पुरस्कार राशी प्रथम ४५ हजार, द्वितिय २५ हजार, तृतिय १५ हजार र सान्तोना ९ हजार रहेको बताईएको छ ।
