धादिङ । धादिङको खनियाबास गाउँपालिकामा कार्तिक ४ गते देखि ६ गते सम्म जारी खुल्ला ब्याडमिन्टन प्रतियोगिता सम्पन्न भएको छ ।
प्रतियोगितामा खनियाबास गाउँपालिका वडा नम्बर २ का सबिन ङर्थेन र खनियाबास ४ का बर्षाराम पङ्चथेनको जोडीले खनियाबास ४ भोगटेनीका श्याम वाइबा निर्दोश र प्रबल ङर्थेनलाई सोझो सेटमा हराई A Level तर्फ प्रथम भएका छन् । यस्तै खनियाबास वडा नम्बर ४ का दिपक वाईबा र सगुन वाईबाको जोडीले ऐजन पालिका र ऐजन वडाका यूबी मोङ्ग्रेसा र सोनाम ग्रेम्बाको जोडीलाई हराई B Level तर्फ प्रथम भए ।
खनियाबास गाउँ पालिका वडा नम्बर ४ का वडाध्यक्ष लिलामान पङ्चथेनको अध्यक्षता, पालिकाका अध्यक्ष रणबहादुर गोम्जोको प्रमुख आतिथ्यता र प्रमुख सेनानी (लेफ्टिनेन्ट कर्नेल) सुदिप पङ्चथेनको बिशेष आतिथ्यतामा प्रतियोगिताको समापन तथा पुरस्कार वितरण गरिएको थियो ।
