धादिङ । गैर आवासीय नेपाली संघ (एनआरएनए) को आशन्न निर्वाचनमा धादिङ धुवाकोट जन्म घर भै लण्डनमा बस्दै आएका कृष्ण तिमल्सिनाले सहकोषाध्यक्ष पदका लागि उम्मेदवारी दिएका छन् ।
गैर आवासीय नेपाली संघको आसन्न ११ औ महाधिवेशन यहि १७-२० अक्टोबर २०२३ काठमाडौमा हुँदैछ ।
करिव डेढ दशकदेखि लन्डन बस्दै आएका तिमिल्सिना नेप्लिज सेफ एसोसिएसन यूकेका पूर्व अध्यक्ष, एनआरएनए यूकेका पूर्वउपाध्यक्ष तथा एनआरएनए आईसीसीका पूर्व सदस्य, एनआरएनए युरोप क्षेत्रको उपसंयोजक लगायतका पदहरुमा रहेर काम गरिसकेका छन् ।
सेफ पृष्ठभूमिबाट करियर सुरू गरेका उनी एक दशकदेखि क्रिस फुडका प्रबन्ध निर्देशक रहेका छन् । तिमिल्सिनाले बेलायतका प्रायः च्यारिटी कार्यक्रममा सहयोगको हात फैलाउँदै आएका छन् । उनको नेपालमा हाइड्रो, माइक्रो फाइनान्स, प्रोपर्टी, बैंकिङ आदि क्षेत्रमा लगानी रहेको छ ।
