धादिङ । धादिको बेनीघाट रोराङ गाउँपालिका स्थित मझिमटारमा असोज ४ गते देखि जारी रहेको प्रथम अन्जन स्मृति कप खुल्ला नक आउट फुटबल प्रतियोगिताको आज सेमिफाईनलका खेलहरु हुने छन् ।
विहिबार भएको पहिलो क्वाटर फाईनलमा धनविर कन्स्ट्रक्सन ‘A’ लाई २–१ को गोल अन्तरले पराजित गर्दै गजुरी समाज,गजुरी सेमिफाईनल यात्रा तय गरेको थियो भने दोस्रो खेलमा थाक्रेको १ गोलका विरुद्ध शहिद स्मृति युवा क्लव,बुट्टारले ३ गोल गर्दै सेमिफाईनल खेल्ने पक्का गरेको थियो । यस्तै क्वाटरफाईनलमा आयोजक भेटेरान समुहले र चरौंदी समाज सुधार समुहलाई र जनगांउ युवा क्लव,जनगाँउको १ गोलका विरुद्ध जन एकता युवा क्लब,जवाङले ५ गोल गर्दै सेमिफाईनल यात्रा तय गरेका थिए ।
आजको सेमिफाईनल खेल
१. जन एकता युवा क्लव,जवाङ बिरुद्ध आयोजक भेटेरान समुह,मझिमटार – दिउसो ठिक १ बजे
२. गजुरी समाज,गजुरी बिरुद्ध शहिद स्मृति युवा क्लव,बुट्टार – दिउसो ठिक ३ बजे
यस प्रतियोगितामा ३२ टिमले भाग लिएका थिए । प्रतियोगिताको पुरस्कार राशी प्रथम ५० हजार र उप विजेता २५ हजार, उत्कृष्ट खेलाडी ३ हजार, उत्कृष्ट गोलरक्षक ३ हजार, उत्कृष्ट गोलकर्ता ३ हजार रहेको छ ।
अन्जन सिलबाल बेनिघाट रोराङ ९ चौकीटार निवासी ३४ वर्षका युवा ब्यवसायी तथा बेनीघाट रोराङ ९ को माओबादी केन्द्रका सचिब थिए । उनको मोटर साइकल दुर्घटनामा चुम्लिङमा मृत्यु भएको थियो । उनको नामबाट खोलिएको अन्जन स्मृति प्रतिष्ठानले अब हरेक वर्ष स्मृति कप गर्ने जनाईएको छ
