धादिङ । राष्ट्रिय शिक्षा दिवसको अवसरमा सरकारले ९६३ जनालाई विभूषित गर्ने सूची सार्वजनिक गर्दा धादिङका ९ जना परेका छन् भने यसै अवसरमा सार्वजनीक विद्यालय र निजी विद्यालयका १–१ जना धादिङका शिक्षक पुरस्कृत भएका छन् ।
७९० जनालाई नेपाल विद्याभूषण क प्रदान गर्ने सूचीमा धादिङका ८ जना र ७१ जनालाई नेपाल विद्याभूषण ख बाट विभूषित गर्ने सूचीमा धादिङबाट १ जना परेका छन् ।
नेपाल विद्याभूषण क बाट विभूषित हुनेमा धादिङबाट नवीनबन्धु पहाडी, नवराज लम्साल, गणेश धमला, सुभाषचन्द्र अधिकारी, रामशरण थपलिया, नवराज सिंखडा, रविन्द्र सिंखडा र खेमराज श्रेष्ठ छन् भने ख बाट विभूषित हुनेमा धादिङका कुमार खतिवडाको नाम सूचीमा छ ।
यस्तै सरकारले राष्ट्रिय शिक्षा दिवस २०८० को अवसरमा विभिन्न सङ्घ संस्था तथा व्यक्तिहरुलाई पुरस्कृत गर्दा धादिङका दुई शिक्षकहरु पुरस्कृत भएका छन् । जसमा सरकारी विद्यालय तर्फ चन्द्रोदय मावि विशालटार बेनीघाट रोराङका शिक्ष रमेश रेग्मी र निजी विद्यालयहरु तर्फबाट धादिङ बोर्डिङ नीलकण्ठ नगरपालिकाका सुरेन्द्र शाह रहेका छन् ।
