धादिङ । धादिङको त्रिपुरासुन्दरी गाउँपालिकाले पालिका भित्र रहेका माध्यामिक विद्यालय स्तरीय वक्तृत्वकला प्रतियोगिता गरी बालदिवस मनाएको छ ।
त्रिपुरासुन्दरी गाउँपालिकाको महिला बालबालिका तथा ज्येष्ठ नागरिक शाखा प्रमुख मिना देवकोटाका अनुसार बालबालिकामा लगानी: निश्चित भविष्यको थालनी भन्ने नाराका आयोजना गरिएको उक्त प्रतियोगितामा रानी पौवा मावि सल्यानटारको छात्रा रस्मी बसौला प्रथम भएकी छिन् ।
प्रतियोगितामा भिमोदय माविकी छात्रा आश्रिती पाण्डे द्वितिय, महेन्द्रोदय मावि माथिल्लो मुलावारीकी छात्रा मेनुका पौडेल तृतिय र सल्यानकोट माविकी छात्रा पुष्पा कुँवर सान्त्वना भएकी छिनु ।
११ वटा मावि रहेको त्रिपुरासुन्दरीमा ८ वटा माविहरुले यस प्रतियोगितमा भाग लिएका थिए । विजेता विद्यार्थीहरुलाई पालिका अध्यक्ष राजु उप्रेती र उपाध्यक्ष देवराज धरेलले पुरस्कार प्रदान गरेका थिए ।
