धादिङ । धादिङ जिल्ला ब्याडमिण्टन संघ नीलकण्ठ ३ को आयोजनामा आजबाट धादिङबेसी स्थित कभर्ड हलमा वडा अध्यक्ष जिल्ला स्तरीय पुरुष युगल खुल्ला ब्याडमिण्टन प्रतियोगिता सुरु हुँदै छ ।
दुई दिन चल्ने यस प्रतियोगितामा जिल्लाका ६७ टिमले भाग लिने छन् । प्रतियोगिता शुक्रबार बिहानबाट ८ बजेबाट सुरु हुने छ ।
प्रतियोगितामा ‘ए’ लेभल र ‘बी’ लेभलका खेलहरु हुने छन् । ए लेभलको खेलको विजेताले २५ हजार उपविजेताले १२ हजार र सान्तोना दुई टिमले ६-६ हजार पाउने छन् भने बी लेभलको खेलको विजेताले २० हजार उपविजेताले १० हजार र सान्तोनाले ५-५ हजार पाउने छन् ।
