धादिङ । अखिल नेपाल फुटबल संघ (एन्फा) को निर्देशन अनुरुप जिल्ला फुटबल संघ धादिङले आज गजुरीको गलौंदी खेल मैदानमा यु १६ का फुटबल खेलाडीहरु छनोट गर्ने भएको छ ।
एन्फाले साउन १ देखि ४ गते सम्म जिल्लाबाट खेलाडी छनोट गर्न आव्हान गरे सँगै एन्फा धादिङले आज यु १६ का फुटबल खेलाडीहरु छनोट गर्न लागेको महासचिव रामहरि थापाले धादिङपोष्टलाई बताए ।
जिल्ला छनोट भएका खेलाडीहरुले साउन ६ देखि १४ सम्म प्रदेश छनोट र प्रदेशबाट पनि छनोटमा परेका खेलाडीहरुले राष्ट्रिय छनोटमा सहभागि हुने छन् । राष्ट्रिय छनोट साउन १६ देखि २० गते सम्म रहेको छ । राष्ट्रिय छनोटबाट छानिएका खेलाडीले भदौ १५ देखि २५ गते सम्म भुटानमा हुने साफ यु १६ च्याम्पेनसिपमा नोपालको राष्ट्रिय टोलीबाट भाग लिन पाउने छन् ।
