कुवेत । ईन्डिया सेन्ट्रल स्कुल जिलिब कुवेतमा साँगितिक कार्यक्रमका साथ नुवाकोट धादिङ रसुवा समाज कुवेतको छैटौं वार्षिक उसत्व कार्यक्रम सम्पन्न भएको छ ।
कुवेतबाट संचारकर्मी हरि बानियाँले बताए अनुसार नुवाकोट धादिङ रसुवा समाज कुवेतको अध्यक्ष फुर्पा मोक्तानकाे सभापतित्व, नेपाली दुताबास कुवेतका तृतीय सचिव रेवन्त केसीको प्रमुख आतिथ्यता रहेको थियो भने, एनआरएनए कुबेतका अध्यक्ष रणध्वज लामा, नेपाल पत्रकार महासंघ शाखा कुवेतका उपाध्यक्ष राज मल्ल र जनजाति महासंघ कुवेतका अध्यक्ष अमृत तामाङको विशिष्ट आतिथ्यतामा उक्त कार्यक्रम सम्पन्न भएको थियो ।
नुवाकोट धादिङ रसुवा समाज कुवेतका बरिष्ठ उपाध्यक्ष तथा कार्यक्रम संयोजक छिरिङ तामाङले स्वागत मन्तव्य दिएका थिए । कार्यक्रममा प्रमुख अतिथि, विशिष्ट अतिथिलगायत विभिन्न संघसंस्थाका प्रतिनिधिहरुले शुभकामना मन्तव्य राखेका थिए ।
