काठमाडौं । नेपालले आइसिसी एकदिवसीय विश्वकप छनोट अन्तर्गत दोस्रो खेलमा मंगलबार अमेरिकासँग खेल्दैछ । खेल नेपाली समय अनुसार दिउँसो १२:४५ मा सुरु हुनेछ ।
आईसीसी एकदिवसीय विश्वकप छनोटमा नेपाल र अमेरिकाबीचको खेल पहिलो पटक हुन लागेको हो । एकदिवसीय अन्तराष्ट्रिय (ओडिआई) मा भने नेपाल र अमेरिकाबीच धेरै पटक खेल भईसकेको छ ।
हालसम्म नेपाल र अमेरिकाबीचमा ६ ओडिआई खेलमा भेट भएको छ । ६ भेटमा नेपाल ३ पटक विजेता हुँदा अमेरिकाले २ पटक जितेको छ । दुईबीचको एक खेल भने टाई भएको छ ।
नेपाल पहिलो खेलमा जिम्बावेसँग ८ विकेटले पराजित भएको थियो । अमेरिका वेस्टइन्डिजसँग ३९ रनले पराजित भएको थियो ।
