धादिङ । त्रिपुरेश्वरस्थित राष्ट्रिय खेलकुद परिषद्को सेमी कभर्डहलमा शनिबार दोश्रो आईएफके फुल कन्ट्याक्ट कराते प्रतियोगिता सम्पन्न भएको छ ।
इन्टरनेसनल फेडरेसन अफ कराते एसोसिएसन नेपालद्वारा आयोजित उक्त प्रतियोगितामा धादिङबाट सहभागी धादिङ सल्यान्टार कराते डोजोका विवेक श्रेष्ठले 45kg तौल समुहमा दोस्रो स्थान (रजत), एकता कुमाल 50kg तौल समुहमा दोस्रो (रजत) र सरिता कुमाल महिला खुल्ला तौल समुहमा तेस्रो स्थान (कास्य) पदक जित्न सफल भएका छन् ।
प्रतियोगितामा प्रत्येक तौलसमूहमा शीर्ष तीन स्थान हात पार्ने खेलाडीलाई क्रमशः ५ हजार, २ हजार ५ सय र १ हजार नगद पुरस्कार प्रदान गरियो । दुईदिने प्रतियोगितामा १ सय २५ खेलाडीले विभिन्न १२ स्पर्धामा प्रतिस्पर्धा गरेका थिए ।
