धादिङ । बागमती प्रदेश खेलकुद परिषदले बैशाख ३ देखि ५ गते सम्म प्रदेश स्तरीय खेलाडी छनोट १३ औं राष्ट्रिपति रनिङ शिल्ड प्रतियोगिता सम्पन्न गरि उक्त प्रतियोगिताबाट राष्ट्रिय प्रतियोगिताको लागि छनोट भएका खेलाडीलाई बन्द प्रशिक्षणमा राख्ने भएको छ ।
प्रदेशको उक्त बन्द प्रशिक्षमा धादिङका ५ जना खेलाडीहरु परेका छन् । धादिङका लागि एक मात्र स्वर्ण विजेता अनु भुसाल हाईजम्पमा, कबड्डीबाट विशाल सापकोटा, अनु तामाङ, समिक्षा प्रजा र सविना स्याङ्तान परेका छन् । बन्द प्रशिक्षण आइतबारबाट हुने बागमती खेलकुद परिषदले जनाएको छ ।
