धादिङ । निजी तथा आवासीय विद्यालयहरूको छाता सङ्गठन प्याब्सनद्वारा आयोजना गरिने प्रथम प्याब्सन अन्तर विद्यालय राष्ट्रिय लोकनृत्य प्रतियोगिताको लागि धादिङ जिल्लाबाट एड्भान्स एकेडेमी छनौट भएको छ ।
प्याब्सन धादिङको सदस्य विद्यालय चिल्ड्रेनपार्क आवासीय माविको प्राङगणमा आयोजना गरिएको जिल्ला स्तरीय प्रतियोगितामा एड्भान्स एकेडेमी प्रथम भएसँगै सो विद्यालय प्रदेश स्तरीय प्रतियोगिताको लागि छनोट भएको हो ।
प्रदेश स्तरीय प्रतियोगितामा छनौट भएको विद्यालयलाई प्रोत्साहन भत्ता स्वरूप १५ हजार प्रदान गरिएको थियो ।
कार्यक्रम जिल्ला शिक्षा विकास तथा समन्वय इकाइ, धादिङका प्रमुख कृष्ण कुमार श्रेष्ठको प्रमुख आतिथ्यता र प्याब्सन धादिङका जिल्ला अध्यक्ष विनोदमान श्रेष्ठको अध्यक्षतामा सम्पन्न गरिएको थियो ।
