साउदी भाद्र २२ । साउदीको दमाम स्थित एक सप्लाइ कम्पनीमा कार्यरत सयौं नेपालीहरुले नेपाल सरकार र नेपाली दूतावास विरुद्ध नाराबाजी गरेका छन् ।
सोमबार साउदीअरब बाट नेपालका लागी तय गरिएको नेपाल एअरलाइन्सको फ्लाइटमा उनिहरुको नाम परेको भएपनि टिकटका लागि कम्पनीले रकम उपलब्ध नगराएको र दूतावासलाई सम्पर्क गर्दा समेत ठोस पहल हुन नसकेपछी उनिहरु नाराबाजीमा उत्रेको साउदी बाट नारायण ढकालले जानकारी दिएका छन् ।
लामो समय देखि साउदीमा अलपत्र परेका उनीहरुले दूतावासलाई बारम्बार आफ्नो समस्या राख्दा समेत नेपाल फर्किने वातावरण नमिलेको र समस्या राख्दा पैसा लिएर जानुस टिकट लिनुस भनेपछि थप आक्रोशित भएको हुनसक्ने ढकालको भनाइ छ ।
घटना बारे साउदी स्थित नेपाली दूतावासले आफ्नो ध्यानाकर्षण भएको बताउदै समस्या समाधानको लागि सम्बन्धित कम्पनी संग पहल गरिसकेको र उनिहरुलाइ केहि दिन भित्रै नेपाल फर्काउने तयारी गरेको स्रोतले जानकारी दिएको छ ।
कम्पनीमा कार्यरत सयौं नेपालीहरुको उपस्थितिमा आइतबार दिउँसो भएको नाराबाजीमा नेपाल सरकार मुर्दावाद ,नेपाली दूतावास खारेज गर जस्ता नारा घन्किएका थिए ।
