धादिङ बैशाख २० । धादिङको गजुरी गाउँपालिका कार्यालयमा विहिबार राति कार्यालयको मुल ढोका तोडी सबै कार्यकक्षको ढोका फुटाई दराज तथा टेबलको घर्राहरु समेत फुटाएर सामानहरु चोरी भएको छ ।
गजुरी गाउँपालिकाले एक महिना अघि देखि संचालनमा ल्याएको गजुरी वजार व्यारेक नजिकैको नयाँ भवन फुटाएर दुई वटा ल्यापटप, दुई वटा क्यामरा र महत्वपूर्ण डाटा रहेको हार्डडिक्स चोरी भएको गजुरी गाउँपालिकाका सुचना अधिकारी ईश्वर कुमार श्रेष्ठले धादिङपोष्टलाई बताए ।
सिसि क्यामराको फुटेजमा २ जना कार्यालय भित्र पसेर उक्त सामान चोरी गरेर भागेको दृश्य देखिन्छ ।
सिसि क्यामराको उक्त फुटेजमा ति चोरी गर्ने व्यक्तिले हातमा पन्जा, हेलमेट, माक्स र सेतो ड्रेस लगाएको देखिन्छ पहिचानका लागि प्रहरीले अनुसन्धान सुरु गरेको गाउँपालिकाले जनाएको छ ।
