धादिङ फागुन २२। पर्यटकको स्वागत सत्कार हाम्रो शान, पर्यटन प्रवर्द्धन र विकास हाम्रो अभियान, भन्ने मुल नाराको साथ फागुन १७ गतेबाट धादिङबेँसीमा सुरुभएको धादिङ पर्यटन तथा औद्योगिक मेला जारी छ ।
राष्ट्रिय स्तरका विभिन्न विधाका कलाकारहरूको दैनिक प्रस्तुती रहने गरेको मेलामा आज हाँस्य व्यङ्ग्य क्षेत्रका लब्ध प्रतिष्ठित व्यक्ति शैलेन्द्र सिंखडा, लोकगायक मिलन लामा, लोकगायिका जेरी, आधुनिक गायक, कृश्चल कँडेल लगायतले मनोरञ्जन दिएका थिए ।
भोलि अर्थात फागुन २३ गते सत्य स्वरुप राज आधुनिक गायक, मनमाया वाइवा लोक गायिका, सागर वि. सी. लोक गायक, रमिता गुरुङ मोडल डान्स, मैना रेश्मीमगर लगायत स्थानीय कलाकारको बेजोड प्रस्तुती आयोजक समितिका प्रचार प्रसार संयोजक राजन दनैले जानकारी दिए ।
