धादिङबेसी फागुन २० । धादिङबेसी स्थित एड्भान्स एकेडेमीले जिल्ला माध्यमिक विद्यालय तहको जिल्ला स्तरीय खुल्ला छात्र भलिबल प्रतियोगिता –२०७५ को आयोजना गरेको छ ।
विद्यालयको वार्षिक क्यालेण्डर अनुसार एड्भान्स एकेडेमीले नगद पुरस्कार सहित फागुन २४ देखि २६ गते सम्म खुल्ला छात्र भलिबल प्रतियोगिताको आयोजना गरेको हो ।
एड्भान्स एकेडेमीको खेल मैदान नीलकण्ठ ३ पुछारबजारमा हुने प्रतियोगितामा भाग लिन इच्छुक माध्यामिक विद्यालयहरुले फागुन २३ गते दिउँसो ३ बजे सम्म टिम दर्ता गराउन सकिने एड्भान्स एकेडेमीका प्रिन्सिपल गोविन्द बुढाथोकीले धादिङपोष्टलाई बताए ।
प्रिन्सिपल बुढाथोकीले धादिङपोष्ट प्रतिनीधि सँग भने- अन्तराष्ट्रिय महिला दिवसको अवसरमा हुन लागेको यस प्रतियोगिता मैत्रिपूण हो, तसर्थ जिल्लाका सबै माध्यामिक विद्यालयहरुलाई सहभागिताको लागि आव्हान गरेका छौ ।
यस्तो छ, खेलाडी सम्मान तथा पुरस्कार राशी ?
प्रथम: मेडल , प्रमाणपत्र, कप र नगद रु. ३०,०००।–
द्धितीय: मेडल, प्रमाणपत्र, कप र नगद रु १५,००० ।–
तृतीय: दुई टिम मेडल, प्रमाणपत्र, नगद ५,०००।–/५,०००।–
